Austlandsturen er ein god tradisjon i Vinterlandbruksskulen. Den er ein augneopnar, den gjev landbruksfagleg ballast og er viktig for felles opplevingar og klassemiljø.
I år var første overnatting lagt til på Bø, Telemark etter eit geite-gardsbesøk i Arabygdi. Neste dag var me innom tre gardar – ein av dei med andelslandbruk. Heile tysdagen vart tilbrakt på NMBU, Ås. Me fekk høyre om og sjå ymse utstyr for energifanging, me fekk sjå landbruksroboten Thorvald og me fekk kjenne inni kuvomma(!). Tilbaketuren over fjella var innom ein «Inn på tunet»-gard, og i Telemark hadde me ein særdeles smakfull og rikhaldig fjellgardslunch på Lien Fjellgard. Takk for alt dette, og for ein kjempetriveleg gjeng å reise saman med !
Rennesøy neste !!
Det har vore gode klassar på Rennesøy kvar gong skulen har vore der, - så me ser fram til å starte opp nok ein gong på Rennesøy. Undervisning tysdagskveld og onsdagskveld, og torsdag vert heil dag. Laurdagane bestemmer me når me møtest. Søknadsskjema finn du under...
